Алматыда өрт сөндіру кезінде аты-жөні анықталмаған ер адамның мүрдесі табылды

Алматы қаласының Жетісу ауданындағы «Өрлеу» ЖШС-де кеше сағат 03:55-те бөлек тұрған қойма ғимаратында өрт болды. Жалын сағат 04:22-де ауыздықталып, 05:02-де сөндірілді. Онымен күресте ҚР ТЖМ Алматы қалалық ТЖД өрт сөндіру қызметінің 49 адамы мен 14 техникасы жұмылдырылды. Жалын тілі 10 шаршы метр аумақты шарпыды. Өртті сөндіру кезінде аты-жөні анықталмаған ер адамның мүрдесі табылды.