Алматыда Орта Азиялық KITEL-2005 халықаралық көрмесі ашылды

Көрмеге Австрия, Бельгия, Ұлыбритания, Германия, Израиль, АҚШ, Франция және басқа да елдерден 400-ден астам компания қатысуда.

Көрмеге телекоммуникациялар, Интернет, компьютерлік және ақпараттық технологиялар, қауіпсіздік жүйелері, кабельдік өнім, ұялы және спутниктік байланыс сынды бес бөлім бойынша экспозициялар қойылған.
Көрме аясында 2005-жылдың желтоқсан айында Қазақстанның тұңғыш байланыс жер серігі ұшырылатынына орай «KazSatCon» атты халықаралық спутниктік байланыс конференциясы өтеді. Сонымен қатар KITEL-2005 аясында банк технологияларына арналған көрме ұйымдастырылды.
Көрме ұйымдастырушыларының айтуынша, KITEL-2005 халықаралық көрмесіне 20 мыңдай адам келеді деп күтілуде. Көрме 4 күнге созылады.