«Автобус жүргізушісі медициналық тексеруден өтті, ол ішімдік ішпеген», — дейді дереккөз.
Тергеу болжамдарының біріне сәйкес, жол апатына кінәлі жүргізуші басқа автобусты басып озбақ болған.
«Бейнекамерадағы жазбада автобус жүргізушісі қатты жылдамдықпен екінші автобусты басып оза, жол қиылысына шығып, полиция көлігін қалай қаққаны анық көрінеді», — дейді дереккөз.
Бұрын хабарланғандай, сәрсенбі күні Алматы орталығында N35 автобустың жүргізушісі жол полициясының арнайы көлігімен қақтығысты. Жол апаты салдарынан Алматы ІІД жол полициясы басқармасының арнайы батальон бастығының орынбасары қатты жарақат алды, оған нейрохирургиялық операция жасалды. Қазір ол комада жатыр.