Алматы әкімдігінің Кәсіпкерлік басқармасы тамақ өнімдерін өндіру саласында қанша кәсіпорын жұмысын тоқтатқанын айтты, — деп хабарлайды Tengrinews.kz тілшісі.
Статистика комитетінің мәліметі бойынша 2021 жылы Алматыда азық-түлік өнімдерінің жалпы көлемі 263 миллиард теңгені құраған. Сонымен қатар, бір жыл ішінде өнім көлемі 23 миллиардқа өсті, 2020 жылы ол 239 миллиард теңгені, 2019 жылы 226 миллиард теңгені құрады.
Қала өнеркәсібіндегі саланың үлесі 19 пайызды құрайды. Бүгінгі таңда қалада тамақ өнеркәсібінде 876 кәсіпорын тіркелсе, оның 60 пайызы ғана қалада жұмыс істейді.
Қалған 41 пайыздың жартысы азық-түлік кәсіпорны ретінде тіркелгенімен, өз ерекшеліктеріне сай жұмыс істемейді. Олар қайта тіркелуі керек. Тағы 10 пайызы жойылуға шақ тұр. Қалған 40 пайызы Алматы қаласында тіркелгенімен, өндіріс басқа өңірлерде орналасқан.
Алматыда тамақ өнеркәсібінде тоқтап тұрған кәсіпорын жоқ.