Алматыда қазіргі заман талабына сай жаңа пошталық жәшіктер орнатыла бастады

Осындай алғашқы жәшік Сейфуллин даңғылы мен Бөгенбай батыр атындағы көшелердің қиылысында Қазпошта ААҚ-ның орталық аппараты орналасқан ғимараттың жанына орнатылды. Жыл соңына дейін қалада осындай тағы да 30 жәшік орнатылмақшы.

Дербес коды бар қондырғымен жабдықталған қазіргі заман талабына сай бұл жәшіктер Алматыдағы «Эталон» зауытында жасалған. Олар ашық-сары түсті. Ал Алматыдағы жалпы саны 193-ті құрайтын дәстүрлі көк жәшіктер жаңасына алмастырылғанға дейін әжетке жаратылады. Жәшіктерден хаттарды алуға міндетті Қазпошта қызметкерлері арнаулы электрондық есептеу жабдығымен қамтамасыз етіледі. Хаттарды жәшіктен алуға байланысты барлық деректер тіркеліп, маршрут аяқталғаннан кейін жиналған хаттар туралы мәліметтер, атап айтсақ, хаттарды жәшіктен алу мерзімі, хаттарды алу кестесіне бағыну жағдайы, бағыттағы жәшіктердің барлығынан бірдей хаттар толыққанды алынды ма, жоқ па деген мәліметтер компьютерге келіп түседі. Қазіргі заман талабына сай жаңа жәшіктер сондай-ақ, хаттардың дер кезінде дұрыс жинап алыну жағдайын қосымша қадағалауға мүмкіндік береді.
ТМД елдері аясында мұндай жәшіктер қазіргі жағдаймен Украина мен Эстонияда орнатылған.