Бұл туралы қалалық Жолаушылар көлігі басқармасының жетекшісі Ерлан Әділов хабарлады.
«Бүгінгі күнге дейін тасымалдаушылардан жол ақысын қымбаттату туралы өтініш түскен жоқ. Сондықтан басқарма тарифті көтеру мәселесі қарастырып жатқан жоқ», — деді Е.Әділов дүйсенбідегі баспасөз мәслихатында.
Айтуынша, заңға сәйкес тариф «үш жылда бір рет, тасымалдаушылардың бастамасы негізінде қаралып отырады». Соңғы рет тариф 2012 жылдың маусым-шілде айларында көтерілген болатын.
Сонымен қатар, «басқарма тарифті қымбаттату мәселесін жыл соңына дейін қарамауды мақсат етіп отырған» көрінеді.
Алматыдағы муниципалды автопарктер табиғи газды пайдаланса, жеке меншік парктердегі көліктің басым бөлігі дизельмен жүреді.