Алматыда су құбырындағы апат салдарынан көп қабатты 110 үй жылусыз қалды

Алматыда су құбырындағы апат салдарынан көп қабатты 110 үй жылусыз және ыстық сусыз қалды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Апат 3-қараша күні 11 сағат 44 минутта қаланың Әуезов ауданында, Саин және Төле би көшелерінің қиылысында болған. Ыстық су қамтамасыздығына арналған 800 мм-лік 6-шы магистраль жарылған.

Төтенше жағдайлар жөніндегі министрлігінің мәліметі бойынша, 4-қараша күні 23 сағат 19 минутта апатқа «АПК» АҚ-ның күштері тосқауыл қойды.