Концерт филармонияның 75 жылдығы мен Ференц Листтің 200 жылдығына арналып, Венгрия елінің Еуропалық Одаққа төрағалық етуі аясында өтеді.
Дёрдь Оравец концертте «Дантені оқығанда» фантазиясын, №9, 19 венгр рапсодияларын, Ш.Гуно-Ф.Листтің «Фауст» операсынан вальстерді, Д.Шостаковичтің №5 симфониясын және тағы да басқа шығармаларды орындайтын болады.
Д.Оравец Будапешт қаласында 1963 жылы дүниеге келген. Музыкаға әуестігі 8 жасынан басталған. Ол 1981 жылы Ф.Лист атындағы консерваторияға оқуға түсіп, И.Лантош және З.Кочиш сынды профессорлардан дәріс алған. 1985 жылы өз елінде өткен пианистер байқауында алғашқы жеңіске ие болып, арнайы стипендиямен марапатталған.
