Алматыда тәртіп сақшылары Жамбыл облысының тұрғынынан 1,5 килограмм гашиш тәркіледі

АЛМАТЫ. 15-маусым. Kazakhstan Today. Алматы қалалық ІІД есірткі саудасымен күрес басқармасының қызметкерлері Жамбыл облысының тұрғынынан 1,5 килограмм гашиш тәркіледі. Бұл туралы Kazakhstan Today тілшісіне Алматы қалалық ІІД-нің баспасөз қызметі хабарлады.

Полицияның түсініктемесіне сәйкес, 27 жастағы жігіт Тілендиев көшесінің бойындағы үйдің жанында 1,5 килограмм гашишты сатуға әрекет жасау үстінде ұсталған.

Күдікті уақытша тергеу абақтысына қамалды.