Алматыда төрт бірдей автокөліктің соқтығысып қалуы салдарынан 1 адам мерт болып, 12 адам жараланды

14-шілдеде Алматы қаласының Түрксіб ауданында, Шемякин және Рысқұлов көшелерінің қиылысында 4 автокөлік, атап айтсақ, "КамАЗ", "ЗиЛ-130", "Тойота" джипі, "Хундай" бағытты автобусы мен мотоцикл соқтығысып қалды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік ақпаратына сәйкес, соның салдарынан мотоцикл жүргізушісі сол жерде опат болып, «КамАЗ» жүргізушісі мен автобустың 12 жолаушысы ауруханаға жатқызылды.