«Сағат 12.38-де Алматы ТЖД «101» пультіне Алматы ауданы Тастақ-2, 2-үйде пәтер өртеніп жатқаны туралы хабарлама келіп түсті. Өрт сөндірушілер оқиға орнына 7 минутта, сағат 12.45-те жетті», — деп хабаралады ТЖД. Бұл кезде 5-қабатты тұрғын үй пәтерінің терезесінен қара қою түтін шығып жатты. Пәтер дым көрінбестей түтінге оранған.
Құтқарушы өрт сөндірушілер адамдардың бар-жоғына барлау жасады. Олар 5-ші қабаттағы пәтердегі өрт 5 шаршы метрді шарпығанын анықтады. «Өрт сөндіру кезінде 45 адамды эвакуациялады. Оның 12-сі балалар. Жалын 13.10-да оқшауланып, 13.16-да ауыздықталды», — деп атап өтті ТЖД. Құрбандар мен зардап шеккендер жоқ.