Кеше алғашқы ойында павлодарлықтар («Ертіс-Қазхром») теміртаулықтарды («Металлург АМТ») 3:2, қарағандылықтар алматылықтарды 3:1, астаналықтар өскемендіктерді («Шығыс-ҚорғасынҚұрылыс») 3:0 есебімен жеңді. Бүгін енді «МеталлургАМТ» мен «Астана», «Шығыс-ҚорғасынҚұрылыс» пен «Алматы» және 1-ойын күні жұпсыз қалған жетісулықтар (Алматы облысы) мен «ЕртісҚазхром» кездеседі. Жетісулықтар 1-турда барлық қарсыласын қапы қалдырып, турнир кестесінде 18 ұпаймен көш бастаған болатын. Олардан 3 ұпай қалып қойған павлодарлықтар 2-турда 2 ұпаймен көш соңында келе жатқан теміртаулықтармен ұпай бөлісуге мәжбүр болды. Ал 12 ұпаймен 3-орында келе жатқан астаналықтар 3 ұпайға қол жеткізсе, 7 ұпаймен 4-орында тұрған алматылықтар 6 ұпаймен өздерін өкшелеп келе жатқан қарағандылықтардың өздерін басып озуына мүмкіндік беріп қойды.
