Қаладағы ең көлігі көп жүретін Сүйінбай даңғылында болған апатқа Алматының құтқару қызметі түгел жиналды. Өрт сөндірушілер айналаға түгелдей су шашып барынша қауіпсіздікті сақтаған. Абырой болғанда цистернадан бір тамшы да жанармай төгілмеген. Есесіне жеңіл көліктің сау тамтығы жоқ. Қайта жүргізушісі аман. Ал бензинді толтыра тиеп алып жол ережесін бұзған жүк көлігінің ісі қатаң қаралмақ. Айта кетейік, өткен жылы да Алматыда осындай жанармай толы көлік аударылып жол жигіндегі көпқабатты үй өртеніп кеткен болатын.