Шара халықаралық балалар күніне арналып ұйымдастырылды. Ұйымдастырушы — «Expo.kz» компаниясы. Ресми қолдаушы — Алматы әкімдігі мен қалалық мәдениет басқармасы.
Аталған фестиваль алматылықтар үшін дәстүрлі мерекеге айналған. Жыл сайын өтіп жүрген шараның мақсаты — жанұяның беріктігін сақтау, рухани-адами құндылықтар мен дәстүрлерді оралту. Фестиваль бағдарламасында ата-аналар мен балаларға шеберлік сағаттары өткізіліп, музыкалық шоу, түрлі көрмелер ұйымдастырылады.
Шараға «Ковчег» балалар үйінің тәрбиеленушілері мен «Ашық әлем» қоры қамқорлығындағы ауитизммен науқастанатын балалар қатысады. Сондай-ақ қала тұрғындары мен қонақтарына есік ашық. Әрбір ата — ана мен бала шараға қатысу арқылы мүгедек, ата-ана қамқорлығынсыз қалған балалардың өміріне қуаныш сыйлауға үлес қоса алады. Өйткені, билеттерді сату мен жәрмеңкеден түскен қаржы алматылық балалар үйінің біріне аударылмақ.
