Тағы бір айта кететін жайт, қазақстандық дарындыларға бұл жолы бәсекелес болған Франция, Түркия, Грузия, Ресей мен Қырғызстан азаматтары да баршылық. Әрбір «талантты» деген студент сурет, дизайнерлік жұмыстарымен өзара сайысқа түсті. Тіпті киім үлгілерімен ерекшеленген ұл-қыздар топ жарды. Ал ұйымдастырушылар аталмыш фестиваль жас өнерпаздардың тәжірибе алмасуында септігі мол болады деп сенеді. Сондай-ақ өз туындыларын үлкен аудиторияға емін-еркін таныстыруға мүмкіндік беретінін алға тартады. Әсіресе, халықаралық деңгейдегі фестивальге алғаш рет қатысып отырған жас өнерпаздарға. Ол үшін тіпті арнайы мастер-класстар ұйымдастырылған.
Ілияс Қозыбаев, Тұңғыш Президент қоры атқарушы директорының орынбасары:
— Жастарға бірнеше мастер-класс өткізеді. Бұл да жастардың білімін көбейтіп пайдалы ақпарат береді деп ойлаймыз.