Алматыда жол апатынан бір адам қаза тауып, тағы екі адам ауыр жарақаттанған

Алматыда Toyota Land Cruiser және «Жигули» автокөліктерінің қақтығысуы салдарынан бір әйел көз жұмып, тағы екі адам ауыр жарақат алды. Бұл туралы сейсенбі күні «Интерфакс-Қазақстан» агенттігіне қалалық құқық қорғау орындарындағы ақпарат көзі хабарлады.

Оның айтуынша, апат Шығыс айналма жолда болған.

«Шығыс айналма жолдан Балтабаев көшесіне оңға бұрылған джип жолдың қарсы бағытына шығып кетіп, «Ваз-2104» көлігімен қақтығысқан», — дейді ақпарат көзі.
«Салдарынан «Жигулиде» отырған 63 жастағы әйел оқиға болған жерде көз жұмды. Көліктің жүргізушісі мен тағы бір жолаушы ауруханаға жеткізілді», — дейді ол.