Бұл туралы Caravan.kz медиа порталы Stan.kz ақпарат агенттігіне сілтеме жасап хабарлайды.
“Қандай хаос болып жатыр? Асхат Ниязов ұсталды. Қазақстан Республикасы президентінің әкімшілігінен бақылауға алуды сұраймын. Ақпарат министрлігіне сенім жоқ”, – деп жазды қоғам белсендісі Санжар Боқаев.
Ал Салтанат Әшімова желідегі парақшасында Ниязов Алматы әкімдігінде төбелесті деген айыппен ұсталғанын айтты. Ниязовты қаладағы Бостандық аудандық полиция басқармасына апарған.
Тұтқындалу туралы мәлімет жоқ. Редакция полиция департаментінен ресми ақпарат күтіп отыр.
Еске салсақ, Асхат Ниязовтың үстінен Protenge Telegram арнасының Азаттықтағы әріптестерін қолдап жазған басылым постын бөліскені үшін іс қозғалғаны мәлім болды. Басылым істің бастапқы дереккөз иесіне емес, Асхат Ниязовтың үстінен қозғалғанына таңғалысын білдіріп, әріптесіне қолдау көрсететінін жеткізді.