«Сейсенбі сағат 19-дағы жағдай бойынша, істен шыққан 95 аудандық трансформаторлық подстанцияның 8-і Әуезов ауданының Қалқаман елді мекенінде, 16 подстанция Алатау ауданының Заря ауылында, 58 подстанция Медеу ауданында қалпына келтіріліп, іске қосылды. Медеу ауданында әлі 13 подстанция тоқтап тұр», — делінген ведомствоның ақпаратында.
ТЖМ-нің атап көрсетуінше, жөндеу-қалпына келтіру жұмыстарын «Алматы Жарық компаниясы» АҚ жүргізіп жатыр.
Еске сала кетейік, 27 маусымда Алматы қаласының аумағында өтпелі дауыл салдарынан жаңбыр және бұршақ күйінде қалың жауын-шашын жауып, жел күші 11 м/с болды. Ал, таулы жерде желдің күші секундына 13-16 м болған. «Каменское плато» маңындағы жел күші секундына 26 м. жеткен. Бұршақ аралас нөсер жауын мен дауыл салдарынан 16 жоғары вольтты электр желілері апатты түрде өшіп қалды. 12 электр бағанын жел құлатқан.