Жарияланды: 400

Алматыдағы Жас-Отау неке сарайының басшылығы аса ірі көлемде қаржы жымқырған

Алматыдағы Жас-Отау неке сарайының басшылығы аса ірі көлемде қаржы жымқырған. Мекеме директоры есепшісімен, бас маманымен қосылып 157 млн теңгені жеке пайдаларына жаратыпты.

Қаржы полициясының мәліметіне қарағанда, құйтырқы әрекеттер 2 жыл бойы жалғасып келген. Сыбайластар осы сарайда қиылған әрбір екінші некені ресми тіркеуге алмапты. Яғни, одан түскен ақшаны қалталарына басқан. Ал мұнда неке қию салтанаты 112 мың теңгеден басталады. Орта есеппен мұнда айына жүзге жуық жұп қабылданады екен. Қаржы полициясы, Әлия Тұтқышева бастаған топтың көмейіне кеткен қаржы көлемі 157 млн теңге дейді. Қазір директордан басқасы қамауда отыр. Ал басшының өзі қолхатпен бостандыққа жіберіліпті.

Пікір қалдырыңыз

Пікір қалдыру тіркелген пайдаланушылар ғана мүмкін