Алматы-Қарағанды темір жолында отарба тізбегі шойын жолдан шығып кетті, зардап шеккендер мен құрбан болғандар жоқ

30-қазанда Алматы-Қарағанды темір жолының 976-шы шақырымында пластиктен жасалған құбырлар тиелген отарба тізбегі шойын жолдан шығып кетті. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрліктің түсініктемесіне сәйкес, вагондардың жолдан шығып кетуі салдарынан составтар параллель жол арқылы жүргізілді. Шойын жолға ақау келген жоқ. Зардап шеккендер мен құрбан болғандар жоқ. Қазір қалпына келтіру жұмыстары жүргізілуде.