«Алматы-Ташкент-Термез» жолының «Жаскешу - Машат» аралығында көлік қозғалысы шектелді

Оңтүстік Қазақстан облысындағы республикалық маңызы бар жолда көлік қозғалысы шектелді. Бұл туралы бүгін «Қазақавтожол» РМК-ның баспасөз қызметі хабарлайды. Атап айтқанда, сағат 09:00-дeн бастап ауа райының қолайсыздығына (қатты жел, жол көрінісінің шектелуі) байланысты «Алматы-Ташкент-Термез» автожолының 632-658 шақырымындағы «Жаскешу-Машат» аралығында автокөліктің барлық түрлері үшін жолға шығуға тыйым салынды.