Алтынбаев ТМД елдері қорғаныс министрлері кеңесінің отырысына қатысады

ҚР қорғаныс министрі Мұхтар Алтынбаев ТМД елдері қорғаныс министрлері кеңесінің 24-маусымда Душанбеде өтетін отырысына қатысады. Бұл туралы KZ-today тілшісіне ҚР қорғаныс министрлігінің баспасөз қызметінен хабарлады.

Бұл бас қосуда министрлер ТМД аясындағы әскери ынтымақтастық жайын талқылайды.

Бүгін, 23-маусымда РФ қорғаныс министрі Сергей Иванов Тәжікстанға келеді. Сонымен бірге Қырғызстан, Армения, Беларусь және Өзбекстан қорғаныс министрлері де Душанбеге келеді деп күтілуде.
Отырысқа Тәжікстан президенті Эмомали Рахмонов қатысады.