Роза Әлқожа отбасын жасыратын әріптестеріне қатысты пікірін білдірді. Осы орайда, ол Қайрат Нұртастың не себепті отбасын жасыратынын түсіндіруге тырысты. Мұнымен қатар, бауыры Әбдіжаппар Әлқожаға үнемі халықтың алдында ашық болуға кеңес беретінін сөз етті. Ал әншінің бауыры әпкесінің сөзін теріске шығарып, отбасы туралы сұраққа “сол” деген қысқа жауап қайырды.
“Гүлзира ханымның “Қыздар Қайратты басқамен елестете алмайтындарын айтып, түрлі хат жазады” деп айтқаны есімде. Оның отбасының жасыруының жақсы да, жаман жағы да бар. Бәлкім қыздардың көңіліне келмесін деп ойлайтын шығар. Некені жариялай білуіміз қажет. Өзім шәкіртім, інім Әбдіжаппарға “Баяғының сал-серілері әйелдерін жасырмаған. Десе де, қай қалада, қай жерде ән салатындарын өздері білген” деп айтып отырамын”, – дейді Роза Әлқожа.