Түлкі ерекше қорғалатын аңдар тізіміне жатпаса да, оны аулау үшін бәрі-бір рұқсат қағаз қажет. Қолында ондай құжаты жоқ азамат саятшылық құруға әбден сайланып шыққан. Көлігінің тіркемесіне екі бірдей цистернаға 200 литр бензинді құйып алып, қырдың қызыл түлкісін жайрата беруді ойласа керек. Бұрын аңшылық шаруашылығында жұмыс істеген күдікті аңдар жүретін жердің жай-жапсарын жақсы біледі екен. 40 шақты түлкі салынған автокөлік қазір тәркіленді. Аңшыдан қосауыз мылтықпен бірге, түнде жарық түсіретін арнайы құрылғы да алынған.