Ақмола облысында "Астана-Мәскеу" пойызы көлікпен соқтығысты

Ақмола облысында көліктің "Астана-Мәскеу" қатынасындағы поезбен соқтығысуы салдарынан көліктің ішінде болған төрт адам жарақат алды.

Өткен жексенбіде Жақсы ауданының Перекатное селосында күзет қойылмаған теміржол айырымында бағдаршам белгісіне қарамастан "Ауди" көлігімен шыққан Астана тұрғыны өтіп бара жатқан поезға жол бермеген, деп хабарлады "Интерфакс-Қазақстан" агенттігіне облыстық жол полициясынан. Соның салдарынан көлікте болған төрт адам зардап шеккен, оның екеуі 1999 және 2009 жылы туылған балалар. Олар қазір ауруханада. Апат салдарынан поезд 33 минутқа кешіккен.

Әріптестер жаңалығы

Пікір қалдырыңыз