Ақмола облысында оқ-дәрі сататын азамат қолға түсті

Ақмола облысы Целиноград ауданының Миновка ауылы тұрғынынан аса көп мөлшерде оқ-дәрі табылды.

Облыстық полиция баспасөз қызметінің хабарлауынша, ауыл тұрғыны калбирі 9 мм 184, 7,62 мм 57 оқ пен 79 Винчестер оғын сату барысында қолға түсті. «Қолға түспестен бір күн бұрын ол тағы бір адамға 20 оқ өткізген», - делінген хабарламада. Күдіктінің қоймасынан тағы 444 патрон тәркіленді. Аталған факті бойынша қылмыстық іс қозғалды.