Ақмола облысында үсіп өлген үш әйелдің мәйіті табылды

Ақмола облысы Еңбекшілер ауданы Қаратал ауылы маңында үш әйелдің мәйіті табылды. Бұл туралы KZ-today тілшісіне бүгін, 28-наурызда Ақмола облыстық төтенше жағдайлар жөніндегі басқармасынан хабарлады.

Мәйіттерге жүргізілген тексеру қорытындысы көрсеткеніндей, үш әйел де үсіп өлген. 56, 43 және 32 жастағы әйелдер өзара туыс көрінеді.

Ақмола облыстық төтенше жағдайлар жөніндегі басқармасының бастығы Вадим Прангенің хабарлауынша, әйелдердің денесінен дәйекті тексеру кезінде тілік іздері мен басқа да жарақаттар табылған. В.Прангенің пікірінше, әйелдерді жүріп келе жатқан көліктен лақтырып жіберген сыңайлы. «Үш әйелдің де қанынан спирт табылды»,- деді облыстық төтенше жағдайлар жөніндегі басқармасының бастығы.