Р.Таукинаның айтуынша, «Журналисты в беде» қоғамдық қоры шілде айында жаңа газетті тіркеу туралы өтініш берген. «Алайда, тіркеуге бөлінетін 15 күн әлдеқашан өтіп кеткеніне қарамастан, ақпарат министрлігі әлі күнге дейін үн-түнсіз отыр»,- деді ол.
Р.Таукинаның айтуынша, «жаңа газетті тіркеу үлкен қиындық тудыратыны туралы қорға шағымданатындар көп». «Мәселен бізге газетті тіркеу туралы маусым айында өтініш берген бес газеттің қожайынынан шағым келіп түсті. БАҚ-ты министрлікте тіркеу туралы қолданыстағы ережеге байланысты тіркеуден бас тартуға ешбір негіз жоқ. Барлық бюрократиялық кедергілерден өткеніне қарамастан, газеттер күні бүгінге дейін тіркелмей отыр»,- деді Р.Таукина.
«Журналисты в беде» қоғамдық қорындағылардың пікірінше, ахуал алдағы президент сайлауына байланысты да «ушыға түсуде».
Ақпаратты пайдаланған жағдайда Kazakhstan Today ақпараттық агенттігіне сілтеме жасау міндетті
