АҚШ әскерлері Азор аралдарындағы "Лажеш"әскери базасында қала бермек

АҚШ армиясы Атлант мұхитындағы Азор аралдарында португальдық «Лажеш» әскери-әуе базасын әрі қарай пайдалана бермек. Бұл туралы кеше Лиссабонда журналистерге АҚШ Қорғаныс министрі Леон Панетта мәлімдеді.

«Біз үшін бұл әскери-әуе базасының маңызы зор, өйткені оның бірқатар маңызды мтратегиялық сипаты бар. Ол келешекте халықаралық аренада біз үшін маңызды фактор болып қалмақ», — дейді министр.

АҚШ билігі базаға қызмет көрсететін құрам санын және онда өткізілетін операциялар санын қысқартпақ.
Бұл шаралар АҚШ-қа алдағы он жылда 350 млн $-ға жуық қаржы үнемдеуге мүмкіндік береді.