АҚШ-тың сайланған президенті Дональд Трампқа қарсы америкалықтар бірнеше қалада бір уақытта қарсылық шеруіне шықты. Олар Трампқа қарсы күресетіндіктерін білдірген ұрандар жазылған плакаттар ұстап, шаһарлардың орталықтарын жаулады деп жазды 24 кз.Көтеріліс барысында шерушілер бір бірімен кикілжіңге келсе керек, Лос Анджелесте атылған мылтық дыбысы естіліп, жараланғандар бар. Ал Калифорнияның Оукланд қаласында шерушілер ашуға жол беріп, АҚШ-тың туын өртеп, аяқасты еткен. Чикагода бас көтерген жұрт жолаушылар автобустарының қозғалысына кедергі келтіріп, жолды жауып тастады. Жаңа Орлеанда наразы халық банк ғимаратын талқандады. Сондай-ақ Портленд, Филадельфияда жұрт түн жарымына қарамастан қала орталығына жиналып, наразылық шарасын ұйымдастырды. Вашинггтонда қарсылыққа қатысып, тәртіп бұзған 1 адам қамауға алынды. Нью-Йорктегі Манхэттенде «Менің президентім емес» деп ұрандатқан америкалықтар Алтыншы Авенюдің бойын жауып тастады. Осы оқиғаларға байланысты ғимараттардың бірінші қабатында орналасқан банктер есік-терезелеріне ағаш қағып, бекітіп жатыр.