АҚШ-та барлық автомобильдер конвейерден шыққан кезден-ақ «қара жәшікпен» жабдықталатын болады. Ақ үй Жол қозғалысы қауіпсіздігі жөніндегі ұлттық әкімшіліктің жаңа автомобильдерді 100 пайыз регистратормен жабдықтау бастамасын мақұлдады, деп хабарлады Утро.ру американдық БАҚ-қа сілтеме жасап.
2013 жылдан бастап қолданыла бастайтын электронды регистратор жылдамдық, рөлдің бұрылыс бұрышы, тежегіш жүйесінің қысымы сияқты автомобильдің аса маңызды 15 параметрін тіркеуге ала алады. Демек, жол апаты орын алған кезде оның шығу төркінін толығымен анықтауға мүмкіншілік болады деген сөз.