Жарияланды: 360

АҚШ-та торнадо 500-ден астамның өмірін қиып кетті

АҚШ-та жыл басынан бері болған торнадолардың салдарынан 523 адам мерт болды,

деп хабарлайды ИТАР-ТАСС агенттігі. Бұл соңғы 75 жылда құйынның салдарынан қаза тапқан ең көп құрбан. Ресми статистикаға сүйенсек, 1936 жылы торнадодан 552 американдық опат болған екен. Құрама Штаттарда жылдың басынан бері 1 мыңнан астам торнадо тіркелген, оның 1/3 сәуір айында болып, олардың салдарынан 360-тан астам адам қаза тапқан еді. Соңғы 60 жылдағы ең зұлмат торнадо 22 мамырда Миссури штатының Джоплин қаласында болды. Құйынның өзегіндегі желдің жылдамдығы 320 шақырым/сағатты шамалаған. 900-ден астам адам түрлі жарақат алған. Құйын қаланың үштен бір бөлігін жермен-жексен етіп, 2 мыңдай ғимаратты қиратқан, тағы 8 мың нысанды зақымдаған. Өкімет із-түзсіз жоғалып кеткендері әлі күнге дейін іздестіруде, ал қаза болғандардың саны күн сайын көбейіп отыр - тек өткен аптаның өзінде ауруханаларда тағы төрт адам жарақаттан көз жұмды. Қазіргі таңда Джоплин қаласындағы торнадо құрбандарының саны 138 адамды құрап отыр.

Пікір қалдырыңыз

Пікір қалдыру тіркелген пайдаланушылар ғана мүмкін