Бұл туралы Қазақстан СІМ баспасөз қызметі мәлімдеді, — деп хабарлайды Tengrinews.kz.
"Сапар аясында Помпеоның ел басшылығымен және ҚР Сыртқы істер министрі Мұхтар Тілеубердімен кездесуі қарастырылған. Кездесу барысында екіжақты және өңірлік ынтымақтастық мәселелері, сондай-ақ жаһандық күн тәртібіндегі өзекті мәселелер талқыланады", — деп хабарлады сыртқы саяси ведомство өкілі.
Еске салсақ, Майкл Помпео Қазақстанға 5 қаңтарда келуі тиіс еді. Алайда 2 қаңтарда АҚШ-тың Мемлекеттік хатшысы Бағдадтағы америкалық елшілік ғимаратындағы тәртіпсіздіктерге байланысты бес елге жоспарланған сапарын кейінге қалдырған болатын.