Ақтөбе облысында 45 гектар астықты алқап өртеніп кетті

Ақтөбе облысында 45 гектар астықты алқап от құшағына оранды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Облыстың Қарғалы ауданындағы «Ақсу» шаруа қожалығында құрғақ шөпті алаңқайдан басталған өрт астықты алқапқа қарай ойысқан. Өрт сөндіру жұмысына мемлекеттік өртке қарсы күрес қызметінің 8 қызметкері мен үш техникасы жұмылдырылды. Тілсіз жау бір жарым сағаттан кейін ауыздықталды.