Бұл туралы Ақтөбе облысы бойынша қылмыстық-атқару жүйесі (ҚАЖ) департаментінің баспасөз қызметінен хабарлады.
«Адамды ұрып соққаны үшін екі жыл жеті айға бас бостандығынан айырылған 23 жастағы азамат есепте тұрғанына қарамастан, қылмыстық-атқару жүйесінің бақылауынан бой тасалаған. Осыған орай 2014 жылдың тамызынан Мәртөк аудандық соты оған іздеу жариялады. Қылмыстық-атқару жүйесінің қызметкерлері қашқынның ізіне түсіп, оны Ақсу атты шопанның қыстағынан ұстады. Бұл жер облыс орталығынан 150 шақырым жерде орналасқан», — деді Ақтөбе облысы бойынша ҚАЖ департаментінің бөлім басшысы Сандуғаш Бүркітова.
«Айта кету керек, қазан айында қылмыстық-атқару жүйесінің қызметкерлері жергілікті учаскелік инспекторлармен және криминалдық полициямен бірлесіп Ақтөбе қаласының орталығында оны қолға түсірді», — деді ол.