Тәртіп сақшыларының ақпаратына сәйкес, бір топ шетелдік өткен сенбіде Ақтөбеден шыға берісте құрықталды. «Олар Ақтөбенің «Экспресс» атты фирмасына қарасты екі автобуспен көршілес Ресейге бет алған»,- дейді ІІД.
Тәжікстан мен Өзбекстан азаматтары Қырғызстаннан шығып, Түркістан қаласы арқылы Ақтөбе-Алматы аралығында қатынайтын жолаушылар поезымен Ақтөбеге жеткені анықталды. «Олар соңғы бекетке дейін тіпті билетсіз жеткен»,- дейді тәртіп сақшылары. Шетелдіктер Ресейге уақытша нәпақа іздеп шыққанын мойындаған.
Қазір бұл дерекке қатысты материалдар сотқа жіберілді. Заңсыз мигранттарды республика аумағынан қудалау мәселесі шешіліп жатыр. Көші-қон полициясының түсініктемесіне сәйкес, «ұсталған 12 адамда көші-қон карточкасы жоқ болса, қалғандарының төлқұжаттарында Қазақстан шекарасынан заңды өткендігін көрсететін тіркеу таңбасы болмай шыққан».
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті