Ақтөбедегі автотұрақтардың бірінде радиоактивті заттары бар контейнер табылды

Ақтөбедегі "Радан" ЖШС автотұрағының күзетшісі ішінде радиоактивті заттары бар өлшемдері 12 және 15 см-лік контейнер тауып алды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрлік ақпаратына сәйкес, контейнер 17-сәуірде табылған. Контейнер корпусынан шыққан гамма сәулесінің дозасы сағатына 720 микрорентген болса, 1 метр қашықтықта сағатына 70 микрорентгенді құраған.

Контейнерді мемлекеттік санитарлық-эпидемиологиялық қадағалау департаментінің қызметкерлері жою үшін алпы кетті.