Ақтөбеде шілденің 14-і күні өткен ойында В. Мұхановтың шәкірттері қарсыластарын 2:0 есебімен ұтқан болатын. Онда Бедиашвили қорғаған грузиндіктер қақпасына соғылған 2 допты да команда капитаны Самат Смақов енгізді. Енді олар қарымта кездесуді сәтті өткізсе, 3-ші раундта Израильдің «Хапоэль» пен «Босния мен Герцеговинаның «Железничар» жұбының жеңімпазымен кездеседі. Олардың арасында келесі айналымға өтуге алғашқы ойында қарсыластарын 5:0 есебімен ойсырата ұтқан телавивтік аяқдопшылардың мүмкіндігі жоғары. Еуропа лигасының 3-ші раунды шілденің 27/28 және тамыздың 3/4 күндері өтеді. Егер бұл сыннан сүрінбесе, ақтөбеліктер алғашқы сайысты өз алаңында өткізетін болады.
