Алдымен жазушының ғұмырдерегінен сыр шертетін бейнебаян көрсетілді.
Қаламдас қарындасы, ақын, Қазақстан Жазушылар одағы БҚО бөлімшесінің төрайымы Ақұштап Бақтыгереева жазушының өмір жолын, еңбегін өрнектеген тұщымды сөз сөйледі. Тіл құдіретін кие тұтып, тарихи деректерге құрылған көркем дүниелерімен халқымызға кеңінен танымал ағамыздың жазушылық келбетін баян етті. Қазақстан Жазушылар одағының құрмет грамотасын табыстады. Сондай-ақ облыстық «Орал өңірі» газетінің бас редакторы Бауыржан Ғұбайдуллин де жазушының қаламгерлік қабілетін жан-жақты сипаттады. Аудан әкімі Нариман Төреғалиев жазушының өнердегі қасиетін жоғары бағалайтындығын айтып, оның туған жерге сапарын ұйымдастыру мерекесі 75 жасқа толуымен қанаттас келіп тұрғанын, әдебиеттегі көркем дүниелері көзі ашық кісіге берері мол кесек дүниелер екенін баяндады. Қаламгерге туған жерге келген сапарына ақжолтай тілек арнады. Иығына зерлі шапан жапты, алғысхат табыстады.
Қаламгер Қайыр Құрақұлы жерлестерінің үлкен жүрекпен қабылдаған құрме
