4 жыл бұрын Бейжіңде 4-орынға табан тіреген Ольганы ҚР Қорғаныс министрлігі Армияшылардың орталық спорт клубы — Спорт комитеті төрағасының орынбасары Алмат Тәжібаев бұл жолы алтын медальден үміткер 2 спортшының бірі ретінде атаған болатын. Мәселен, 4 жыл бұрын Қытай астанасында болған додада 30 әскери-спортшының арасында бокстан Еркебұлан Шынәлиев, еркін күрестен Елена Шалыгина қола жүлдегер атанған болатын. Биыл 26 әскери-спортшы спорттың 8 түрі бойынша қатысуда.
Алмат Айнабекұлының айтуынша, енді боксшы, аға лейтенант Серік Сәпиев (69 кг) те өз арманына қол жеткізуге жақындап келе жатыр. Сондай-ақ жүлдегерлер сапында болады деп сенім артқан кіші сержант Біржан Жақыпов (49 кг) пен Ғани Жайлауов (60 кг) та ширек финалға шықты.
