"Асар" партиясының жетекшісі оппозицияның іс-әрекеттеріне сын айтты

Д.Назарбаеваның айтуынша, «оппозициялық күштердің өткен парламент сайлауында сайлаушылардың 50 процентінің қолдауына ие болғандығы туралы мәлімдемелері бірде-бір социологиялық зерттеумен дәлелденген жоқ».

«Оппозицияның осындай әлсіз қолдауға ие болуы — олар қойып отырған талаптар мен үндеулердің радикалдық сипатқа көшуіне әсер етуде»,- деді д.Назарбаева. «Асар» төрайымының пікірінше, «оппозиция қарапайым халықтың ахуалы мен наразылық-өкпе-назын қолшоқпарға айналдырғанымен, осындай ахуалды өзгертуге ешбір нақты қадамдар жасамай отыр». «Бұл — оппозицяның мүддесіне сай келмейтін нәрсе, дегенмен, оппозициялық күштерде конструктивті бағдарлама жоқ және болуы мүмкін емес», деді Д.Назарбаева.
Партия төрайымының пікірінше, «оппозицияның жоспарлары билікті басып алып, сақтап қалудан әрі аспай отыр». «Осы орайда оппозиция тіпті сайлауда нәтижеге жету үшін күш қолданудан кет әрі емес екенін көпе-көрнеу мәлімдейді»,- деді Д.Назарбаева. Осыған байланысты «Асар» партиясының жетекшісі «оппозицияның осындай пайым-пікірлеріне билік тарапынан да, билікті қолдаушы саяси күштер тарапынан да не құқықтық, не болмаса, моральдық баға берілмеуіне» таңданыс білдірді.
«Қазір оппозиция жағдай ушыға түскен сайын тіптен жақсы деген принципті кәдеге жаратпақшы»,- деді ол. «Еліміздің тағдарын өтпелі жастың дағдарыстарын бастан кешіріп жатқан саясаттың сарыауыз балапандарына сеніп тапсыруға дайынбыз ба? Менің ойымша, дайын емеспіз»,- деп мәлімдеді Д.Назарбаева.