«Сабақ кестесі жөніндегі мәселе жергілікті атқарушы билік органдарының құзырында. Сондықтан мұны Астана қаласының әкімдігі шешуі тиіс. Біз әкімдікке оқушылардың, олардың ата-аналарының және мұғалімдердің пікірін ескере отыра шешім қабылдауға ұсыныс жасадық», — деді А. Сәрінжіпов журналистерге берген сұхбатында.
«Тәртіпті әке ретінде баланы бекітілген уақытта әкелемін. Абыр-сабыр тудыру қажет емес. Дұрыс шешім қабылдаймыз», — деді министр.
Еске сала кетейік, жуырда Астана жолдарындағы көлік кептелісі мәселесін шешу үшін қала мектептеріндегі сабақты ертерек бастау ұсынысы жасалған. Бұл үшін елордадағы оқу орындарындағы сабақтың басталу уақытын өзгерту ұсынылды.
Астана қаласының Білім басқармасы мектеп директорларына ата-аналармен бірге мектептердегі оқудың басталуын таңғы сағат 7.40-қа ауыстыру мүмкіндігін қарастыру ұсынылды.
