Ашхабадта Каспий теңізінің құқықтық мәртебесі туралы конвенция жобасын жасаушы арнаулы жұмыс тобының кезекті жиналысы басталды

Ашхабадтағы форумға қатысу үшін Әзербайжан, Иран және Қазақстанның сыртқы істер министрлерінің орынбасарлары, ал Ресейден РФ президентінің халықаралық энергетикалық ынтымақтастық жөніндегі арнаулы өкілі Игорь Юсуфов басқарған өкілдер келді.

И.Юсуфовтың журналистерге хабарлауынша, «Ресей Каспий теңізін қоршай орналасқан әріптестерінен жұмыс тобының Мәскеуде өткен 15-бас қосуында ортаға салынған ұсыныстарға жауап күтеді». «Бұлар Каспийдің биоресурстарына, қауіпсіздікті қамтамасыз ету үшін ұлттық аймақтар аясын анықтауға, әскери іс-қимыл принциптерін анықтауға қатысты».
И.Юсуфов Ресейдің Каспийде теңіз маңындағы бестік елдерінен өзге мемлекеттердің қарулы күштерінің орналасуына қарсылық білдіріп отырғанын еске салды.
Арнаулы жұмыс тобының Ашхабадтағы жиналысы екі күнге созылады.