Бұл туралы Caravan.kz медиа порталы хабарлайды.
"Мемлекет басшысы Асқар Маминді ҚР премьер-министрі лауазымына тағайындау туралы жарлыққа қол қойды", — деп жазылған Ақорданың твиттердегі парақшасында
Глава государства подписал Указ о назначении А. Мамина Премьер -Министром РК.
— Ақорда Баспасөз қызметі (@AkordaPress) February 25, 2019
Асқар Мамин туралы не білеміз?
Асқар Ұзақбайұлы Мамин 1965 жылы 23 қазан күні Целионоград қаласында дүниеге келген.
Жап-жаңа премьер-министр 1987 жылы Целиноград инженерлік-құрылыс институтын, 2003 жылы Г.В. Плеханов атындағы Ресей экономикалық академиясын бітірген.
Асқар Мамин 1996 — 2008 жылдары аралығында Астана қаласы әкімінің бірінші орынбасары, көлік және коммуникация вице-министрі, индустрия және сауда бірінші вице-министрі, Қазақстан Республикасы Көлік және коммуникация министрі, Астана қаласының әкімі сияқты лауазымдарында қызмет етті.
2008 жылдың сәуір айынан бастап 2016 жылдың 9 қыркүйегіне дейін «Қазақстан темір жолы» ҰК »АҚ президенті қызметін атқарды.
2016 жылдың қыркүйек айынан бастап ҚР Премьер-Министрінің бірінші орынбасары болып тағайындалды.
Жаңа премьер-министрдің Данияр және Динара есімді балалары бар.
Естеріңізге сала кетейік, ҚР Президенті Нұрсұлтан Назарбаев 21 ақпан күні Бақытжан Сағынтаев басқарған үкіметті отставкаға жіберген болатын.