Астана әкімдігі «Үздік әлеуметтік серіктес» атағына лайықтыларды іздестіреді

Елорданың ресми сайтының мәліметінше, байқау әлеуметтік және еңбек қатынастарын реттеудің тиімді тетіктерін құру, әлеуметтік тұрақтылықты қамтамасыз етуге жәрдемдесу, жұмыс берушілердің корпоративтік әлеуметтік жауапкершілік ұстанымдарын қалыптастыру мен жетілдіру, халықты әлеуметтік қорғау саласындағы ең озық тәжірибені енгізуді ынталандыру мақсатында ұйымдастырылуда. Байқауға Астана қаласының барлық меншік түріндегі ұйымдары қатыса алады. Жеңімпаздар «Елорданың үздік жұмыс берушісі», «Жұмыссыз азаматтарды даярлауды, қайта даярлауды және біліктілігін арттыруды жүргізетін үздік білім беру ұйымы» аталымдары бойынша анықталады. Өтінімдерді қабылдау Астана қаласы Жұмыспен қамту және әлеуметтік бағдарламалар басқармасында жүзеге асырылады.