«Алда мәскеулік командамен кездесу бар. Міндет бұрынғыдай. Ең алдымен, плей-офф-қа кіріп, ары қарай қалған матчтарда жеңіске жету. Ертеңгі матчты есептемесек, алдымызда әлі 7 кездесу күтіп тұр. Қалған кездесулердің бәрінде жеңіске жетуге міндеттіміз», — деді Б. Есжановбейсенбі күні баспасөз мәслихатында.
«Біздерді әдейілеп мақсаттандырудың қажеті жоқ. Өткен екі кездесуде жеңіліс таптық, сондықтан онсыз да көңіл күйлері сәйкес. Физикалық жағынан келсек, біздің спортшыларымыз дайын», — деді жаттықтырушы.
«Ауыр салмақ проблемасы үнемі сезілетін. Қазір біз ауыр салмақта өнер көрсететін 1-2 жақсы боксшыны іздестіріп жатырмыз», — деді Б. Есжанов.
Еске сала кетейік, 9 желтоқсанда Астанада Astana Arlans (Астана) және Dinamo Moskow (Мәскеу) командаларының арасында кәсіпқой бокстан алғашқы матч өтеді.
Қазақстандық команданың намысын қорғайтындар: өзбек легионері Рафикжон Султонов (54 кг), Мерей Ақшалов (61 кг), Қанат Ислам (73 кг), Данияр Үстембаев (85 кг) және Руслан Мырсатаев (+91).
Ресейлік құраманың өкілдері – тәжік легионері Анвар Юнусов (54 кг), Эдуард Хұсаинов (61 кг), Александр Иванов (73 кг), украиналық легионер Александр Гвоздик (85 кг), Сергей Калчугин (+91).
Дүниежүзілік бокс сериясының (WSB) 2011-12 маусымында командалар «А» және «В» топтарына бөлінді. Командалар әр қарсыласымен үйінде және қонақта кездесіп, жүйелі маусымда 10 кездесуден өткізеді.
Плей-оффқа әр топтан 2 командадан шығады.
Astana Arlans боксшылары Los Angeles Matadors (АҚШ) қарсы алғашқы кездесуінде 2-3 есебімен жеңіліп қалды, Bangkok Elephants (Тайланд) командасына қарсы матч өтпей қалды, олар 5-0 есебімен жеңілді деп есептелді. D&G Milano Thunder (Италия) қарсы соңғы кездесуде қазақстандық боксшылар 0:5 есебімен жеңілді.
Astana Arlans-тың қонақтағы келесі матчы 16 желтоқсанда Venkys Mumbai Fighters (Үндістан) командасына қарсы өтеді. Astana Arlansкомандасының құрамында 17 боксшы бар, оның 4-еуі — легионер.
