Қазнет қолданушылары Астана аялдамаларының жаңа фотоларын жарыса жариялап жатыр. Бұл туралы Вaq.kz NewTimes.kz-ке сілтеме жасап хабарлайды.
Аялдаманың креативті безендірілуіне қатысты желі белсенділерінің пікірі екіге бөлінді. Біреулер мұндай «бас киім» жылы және ерекше болып көрінеді деп қуанса, екінші топ «бюджет ақшасын қажетсіз безендіруге шашты, одан да осы ақшаны аз қамтылған отбасылар мен үй-күйсіз жүргендерге жұмсау керек еді» деген ой айтты.
«Бас киім киген» аялдама фотосының астына «Сарыарқа» ауданының әкімі Арман Тұрлыбек пікір жазды.
«Құрметті елорда тұрғындары мен қонақтары! Көптен күткен қыс та келді. Суық кезде өз денсаулығыңызды күтіп, жылы киініңіздер. Қазір жылы бас киім кимейтін әдеттің көбейіп бара жатқанын байқадым. Әсіресе, оқушылар мен жастар. Әрине, бұл шашыңыздың сәнін кетіруі немесе стиліңізге сәйкес келмеуі мүмкін. Бірақ біздің астаналық аялдамалар да бас киім кие бастады))) Бас киім киіңіздер!! Денсаулығыңызды күтіңіздер», — деп жазды Тұрлыбек Facebook-те.