«Астана ЭКСПО-2017» жетекшілерінің бірі тағы 1 жарым айға қамауда отырады

«Астана ЭКСПО 2017» ұлттық компаниясының бұрынғы басқарушы директоры тағы бір жарым ай қамауда отырады. Астана соты Суламбек Баркинхоевты тұтқындау ұстау мерзімін 17 қазанға дейін созды.

50 жастағы Баркинхоев үйқамақта отыр. Ол сыбайластарымен бірлесіп бюджеттің 214 миллион теңгесін жымқырды деген күдікпен маусымда ұсталған болатын. Сондай-ақ, қазір «Астана ЭКСПО»-ның экс-басшысы Талғат Ермегияев те қазынаға тиесілі 4 миллиард 200 миллион теңгені қолды қылғаны үшін үйқамақта отыр. Тұтқындалғандар қатарында экс-төрағаның кеңесшісі, атышулы Мақсат Үсеновтың әкесі Қажымұрат Үсенов те бар.

</br>