Бір қызығы, әлгі смс хабардың соңында «бұл ақпаратты міндетті түрде таныс-туыстарыңа таратыңдар» деген ескерту де жазылған. Бұған сенген Петропавлдағы 90 мыңнан астам тұтынушы судың бірнеше күндік қорын жасап әлек. Жыл сайын қалалық желілерді жуып-шаю үшін екі күнге су беру тоқтатылатыны рас. Бірақ бұл шара биыл қыркүйекке жоспарланған екен.
Азамат Әсіреев, «Қызылжар су» ЖШС диспетчерлік қызметінің басшысы:
— Тұрғындар дүрлігіп, тыныштық бермей жатыр. Біздің диспетчерлер халықтан түскен қоңырауларға жауап беріп үлгере алмауда. Бұл – алаяқтардың қастық әрекеті. Қазір біз ішкі істер органдарына осы мәселеге қатысты шағым түсірдік.