Астана маңындағы ауылда төтенше жағдай жарияланды

Ақмола облысы Жібек жолы ауылындағы "Безымянная" бөгетінің бұзылу қаупі бар

Ақмола облысы Жібек жолы ауылында бөгеттің бұзылу қаупіне байланысты төтенше жағдай жарияланды деп хабарлады өңірдің төтенше жағдайлар жөніндегі департаменті Sputnik Қазақстан агенттігіне. "Жібек жолы ауылы маңында орналасқан Есіл өзеніндегі "Безымянная" бөгетінің шлюздік және бетон конструкцияларының бұзылу қаупіне орай Аршалы ауданы аумағында жергілікті төтенше жағдай жарияланды", — деп мәлімет берді ТЖД. А

дам қазасы мен халықтың тұрмыс-тіршілігіне келтірілетін зиянның алдын алу мақсатында Аршалы ауданы әкімі осында шешім қабылдаған екен. Жедел қызметтер сақадай сай дайын отыр. Жібек жолы халқы да хабардар етілді.